الذات الحقيقية vs الذات المزيفة

 

مين عايش ذاته الحقيقية بجد 100 % ؟؟مين قادر يظهر كل ما بداخله بدون خوف ، خجل ، أو تردد ؟ كلنا عايشين أدوار مش بتاعتنا و احنا مش عارفين دة ... كلنا اتعرضنا للقبول المشروط من أي حد في مجتمعنا العظيم ودة خلانا نحقق ما يطلبه المجتمع علي حساب ذواتنا الحقيقية

 كلنا جوانا ذات مدفونة أو علي الأقل جانب معين من الشخصية مدفون و مختفي و مش عارف يطلع .. 

اللي دافن امكانياته 

و اللي عايش جد و  عارف يطلع ال FUN  

  و اللي بيخبي ضعفه للي عايش دور مش دوره 

و اللي مش عايش اصلا .... و حاجات كتير جدا

خلونا نتفق ان احنا كل يوم بندفن في بعض اكتر D:

كل واحد بيدفن في حقيقة اللي جنبه .. .... بقبولنا المشروط للاخرين و نقدنا ليهم و وضعهم في قوالب أو تحت الميكروسكوب ... انا شايفة الحل  

  للمشكلة دي مركب من جزئين 

اول جزء انك تحيط نفسك بعلاقات صحية و بناس توفر لك القبول والحب و الاحترام الغير مشروط حتي تستطيع ان تكون نفسك الحقيقية قدامهم
تاني جزء و دة الاهم ان كل واحد فينا زي الشاطر كدة يسعي لأن يكون أرض آمنه للي قدامه يقدر فيها يجري و يمرح و يطلع كل اللي جواه بدون تكلف أو تمثيل ... احترم اللي قدامك بكل عيوبه عشان يقدر اصلا يكون نفسه و هو معاك ... قدم حب غير مشروط للي حواليك عشان يقدروا 

 . يعترفوا بعيوبهم و يشتغلوا عليها بدل ما يدفنوها عشان يعجبوا حضرتك
بلاش تنقد الناس و تتريق و تعليقات تقفل اللي قدامك و تحجمهم أو تخليهم يخافوا   يظهروا ذواتهم الحقيقية

كن أنت واحد من العلاقات الصحية اللي الناس يتمسكوا بيها في حياتهم .. ابدآ بنفسك  

ناردين مرقسافكار مستوحاه من كتاب الخروج عن النص