الحدود النفسية 1

# الحدود النفسية 1 #

  الحدود النفسية ... مصطلح عاجبني جدا .. يا ريت الناس في مجتمعنا العظيم تفهمه

ان حضرتك تحترم حدود اللي قدامك !   

... الثقافة دي بجد ما شاء الله مفتقيدينها جدا ... احنا فقراء جدا في الثقافة دي ... عندنا

 1. مرض الاقتحام   و 2. مرض السيطرة

 انا هاشارك رأيي تجاه الموضوع دة بجد لأنه بيضايقني جدا و بيعصبني انا هبدأ بمرض الاقتحام: 

بجد في ناس بتقرب من اللي قدامها بشكل مستفز جدا ... و يبقي عايز يعرف كل حاجة عنك ... هو معلش حضرتك هو مين سمحلك ؟؟ هو مفيش خالص احترام لحدود اللي قدامك! ... ما تحترم ارادته .. مش يمكن مش عايز يعتبرك قريب اصلا

تعالوا بقي علي مرض السيطرة
بجد الموضوع منتشر يا جماعة ... النوع دة مش بيهداله بال الا لم يتأكد ان كل حاجة حواليه ماشية زي ما هو عايز ... حتي تصرفات الناس حواليه ... انت ليه عايز يكون في ايدك ريموت كونترول البشر ... انت حضرتك مش متحكم في الناس و الظروف ... و يا عيني عليك لو انت مش تحت سيطرة هذا النوع ... يعاقبك او يحسسك انك مش صديق حقيقي او انك خاين و ملكش في الطيب نصيب ..... ايه دة استني انت مش واخد بالك انت اصلا برة منطقة السيطرة بتاعتك

انت مش بتحترم كيان الاخر

انت انت بصراحة مش شايفه اصلا!
جزء بشوفه متفرع من مرض السيطرة هو مرض الفضول ... و التجسس علي حياة الاخر بجد نفسي الاقي كلمة شيك و زوق بمعني كلمة (وانت مالك ) اللي يلاقيها يقوللي
كلامي عن السيطرة will be continued
ناردين مرقس

من حق كل واحد فينا يحمي حدوده النفسية و يختار و يحدد مين هايكون فين و امتي .. مهم جدا حدودك تبقي واضحة و أرضك امنه ... تحديد المسافة بينك و بين اي حد حق اصيل ليك و اللي مش ناوي يحترم حدودك و يحترم المسافة اللي انت راسمهاله يبقي معلش مش هاتقدر تكمل معاه

  2018   January  

 أفكار مستوحاه من كتاب الخروج عن النص