يوم نياحة البابا شنودة
يا حبيبنا يا راعينا كلنا
ياللي دايما ساكن جوة قلبنا
بيك عرفنا الحكمة و المحبة
كنت نور ينور لينا أرضنا
علمتنا ازاي نحب كل الناس
و نشوف ربنا بالقلب و الاحساس
كنت بشوف فيك روح أب حنين
هدفك كان هو السما .........و دة الأساس
كنت بأتعلم منك أسامح و يكون قلبي كبير
ضحكتك كانت لي بلسم مهما أشوف صعاب كتير
علي كلامك عايزة أعيش و تكون ليا أكبر مثال
نفسي يجي اليوم و أشوفك مهما كان مشوار كبير
يا راعينا الرب يعلم أد أيه الحزن مالينا
انهاردة الأرض ضلمة و الدموع مالية عنينا
بس نورك و صلاتك في السما قدام فادينا
هو دة اللي بيصبرنا و يشجعنا و يقوينا
ناردين
17 مارس 2012
Comments
Post a Comment